3 Mounu: Keima ka-ihmun, hinlahkalung alimgeh-e kangai penpan kotahin kiuva eihin kou awgin: “Kotneihonin, O kagoulu, kangainu, kavakhu, kadinga chamkimpen; kalujang daitwi akottan, ka jangsamdaitwi alhopsoh tai,” tia ahinseikajah chun keiman kadonbut in: “Keiman von kana kisutlhah mantan, kahung kivon kit ding ham? Ka keng kana kisop ngim tan, kachotnen kit ding ham?”
4 Kangai penpan kot chu ahin honggotan, hichun ka lung thathou lheh jeng tai.
5 Keimankadongmapakothonpeh ding in thanom tah in kachomdoh-in, ka khut chung ah jonggimnamtui kavatnatsah-in ahi. Kakhut jung Myrrh gimtuija chunkotkil chu kahong tan ahi.
6 Kangai penpa din kot kahonpehtan, hinlah ama anaum tapoi! Kalung lhadah del jeng tai. Amaholnan kadahlen, hinlah kamu joutapoi. Ka koule-in hinlah adonbutnaawgin akija tapoi.
7 Janlaija khongah hon khosungavel le laijun eihung mudoh-un, eijep pop chetchut jeng un, kaponlukhuh eihodoh peh-un ahi.
8 Vo Jerusalem chanute, katemnahiuve-kadongmapa na kimupikhah bang uleh, ama lhangai nan katahsa akem lheh jeng tai tihi neinaseipeh tauvin.
9 Zailom: Idinga na dongma pachu midang jouse sanga dei umchomdeh hija ham, O melhoikidang lanu? Ipin na dongma pachu atumbeh-a alulsah chom hijakeihon nei temnau chu ka nun diuham?
10 Mounu: Kangai penpa chudonghoisel in avouso ajolsel in, aemsel jeng in, midang asang-ajasang in ahoijoi.
11 Alujang chu songmantam sangin ahoijon, asam jang va-ah vombang in avom’e.
12 Amit teni khaltwi panga touvakhu bang in aval lheng in, sanakhiba bongnoitwi-a kisop ngimseltobang ahi.
13 Abengmai chu muinampahhonlei, gimtui hinlhut dohji tobangkhu ahi. Ane geiteni jong Lily pah Myrrh gimtui kichap khum tobang
14 Aban jang jong sana pumkihehkol’a sana pahjema kijempolbangin alhanlhaije. Atahsa pumsaiha kinotval lhenga, Sapphiresonga ki tomjol toh abang’e.
15 Akengteni jong sana khomtoakon kitungdoh ngunsong khomabang’e. Atahsa gongso adingchah-in, Lebanonlhangbanginahuikaijin, alhang lehvuma Cedarthing huikai abang’e.
16 Akamsung alhum in, imalamjousea dei umtah chu ahi. Vo Jerusalem chanute, ka ngaipen; kagoldei chu hitobang chu ahi.
