9 Nang in ka lungsung na lodim in, ka goulu nahi, kangai ka jiding nu. Na khivui val emsel toh namit-ha’aneivet dan in ei hentang den jengtai.
10 Nei ngailutnan ei kipa thanopsah-e, ka goulu nahi; ka ngai kajiding nu. Nei ngaina hi lengpituisang in alhumjon, na gimnamtui hipahnamtui sang in jong atui joi.
11 Na negei teni khoiju sang inalhum joi, O ka ji ding nu. Naleinoija khoiju le bongnoi aume. Navon jouse jong Lebanon lhangpahgimtui anam’e.
12 Nangma hi keija ding mongapahcha lei, goulu, chongmou chulekhal laija twinah kiselguh tobangnahi.
13 Na pheichung jong kolbuthei tohmuinam kikhat tah henna,
14 Chuleleipahnamtuitohsehlhum, kolju le thingthal, bego le Myrhh, aloe le muinam jouse dingakingapna ahi.
15 Nangma honlei twinah, twichim twikul; Lebanon lhanga kon hunglonglha tobang nahi.
16 Mounu: Khang in, Sahlamkhohui! thouvin, lhanglam khohui! Ka honlei jon ah hung nung in langakimvel jouse agimtui hi lhutsohheltan. O ka goldeipa, na honleija hinhunglut in lang, theiga hoipen hungkilon lang, hung nen.
