SOHN 8:48-51 in Pohnpeian

⁴⁸ Juj oko japen indan i: Kaidik meid melel, koe men Jamaria amen o tanwar en tewil.

⁴⁹ Iejuj kotin majani: Kaidik tanwar en tewil nai, pwe I wauneki Jam ai, a komail kin kijan ia wau i.

⁵⁰ I jota kin rapaki pein wau i, amen mia, me kin raparapaki o kadeikada.

⁵¹ Melel, melel I indai on komail, meamen kapwaiada ai padak, jota pan mela kokolata.

⁴⁸ Sus oko sapeng indang i: Kaidik meid melel, koe men Samaria amen o tanwar en tewil.

⁴⁹ Iesus kotin masani: Kaidik tanwar en tewil ngai, pwe I wauneki Sam ai, a komail kin kisang ia wau i.

⁵⁰ I sota kin rapaki pein wau i, amen mia, me kin raparapaki o kadeikada.

⁵¹ Melel, melel I indai ong komail, meamen kapwaiada ai padak, sota pan mela kokolata.

⁴⁸ Mehn Suhs ako ahpw sapeng Sises, patohwan, “Kaidehn kiht me pwung ni at koasoia me kowe mehn Sameria men oh ngehn suwed mie rehmwi?”

⁴⁹ Sises eri ketin sapeng, mahsanih, “Sohte ngehn suwed rehi. I kin wauneki Semei, a kumwail sohte kin waunekin ie.

⁵⁰ I sohte kin pein rapahki wauwi. A mie emen me kin raparapahki wauwi, oh iei ih me kin pwungkin ie.

⁵¹ I ndaiong kumwail ni mehlel: mehmen me kin kapwaiada ei padahk kan sohte pahn mehla.”

⁴⁸ Mehn Suhs ako ahpw sapeng Sises, patohwan, “Kaidehn kiht me pwung ni at koasoia me kowe mehn Sameria men oh ngehn suwed mie rehmwi?”

⁴⁹ Sises eri ketin sapeng, mahsanih, “Sohte ngehn suwed rehi. I kin wauneki Semei, a kumwail sohte kin waunekin ie.

⁵⁰ I sohte kin pein rapahki wauwi. A mie emen me kin raparapahki wauwi, oh iei ih me kin pwungkin ie.

⁵¹ I ndaiong kumwail ni mehlel: mehmen me kin kapwaiada ei padahk kan sohte pahn mehla.”