Text copied!
CopyCompare
Pohnpeian Bible with Apocrypha - Sohn - Sohn 2

Sohn 2:4-16

Help us?
Click on verse(s) to share them!
4Sises eri ketin sapeng, mahsanih, 鈥淟ih, ke dehr ndaiong ie dahme I en wia. Ei ahnsou saikinte leledo.鈥
5Eri, ineo ahpw patohwanohng ladu ko, 鈥淜umwail wiahda mehkoaros me e pahn mahsanihong kumwail.鈥
6Eri, sah takai laud weneu mie wasao, mehn kamwakel nin duwen tiahk en palien lamalam en mehn Suhs ako, me audepahr mihmi nanpwungen kalon riesek de silihsek.
7Sises ahpw ketin mahsanihong ladu ko, 鈥淜umwail audekihda pihl sah ko.鈥 Ladu ko eri audehda lao dir.
8E ahpw ketin mahsanihong irail, 鈥淜umwail koadiahdi oh wahla rehn kaunen kamadipwet.鈥 Irail eri wahla.
9Kaunen kamadipwo ahpw song pihl me wialahr wain, a e sohte ese wasa me waino kohsang ie (a ladu ko me koadiahdi pihlo, irailte me ese.) Kaunen kamadipwo eri ekerodo ohl kamwohdo,
10oh ndaiong, 鈥淎ramas koaros kin kihda mahs wain mwahu; a mwuhr, ni tohn kamadipwo ar kin sakaulahr, re ahpw kin kihda wain sohte nohn mwahu. A komwi nekinekidte wain mwahu lao lel ahnsou wet!鈥
11Ih met tepin kilel akan me Sises ketin wiahda nan Kena nan Kalili, oh ih duwen met eh ketin kasalehda sapwellime lingan; eri, sapwellime tohnpadahk ko ahpw pwosonla.
12Mwurin met, Sises ketilahng Kapernaum, iangahki ineo, rie ohl ako, oh pil sapwellime tohnpadahk ko. Irail eri ketiket wasao erein rahn kei.
13Ni ahnsou en Sarawien Pahsohpa en mehn Suhs ako eh kerendohr, Sises eri ketilahng Serusalem.
14E ketin diarada nan Tehnpas Sarawio ohl ekei me kin netinetki kou, sihpw oh mwuroi, oh pil ekei ohl me kin kawiliali mwohni, wie mwomwohd ni arail tehpel kan.
15Ih eri ketin wiahkihda mehn wowoki sahl ekei, ahpw ketin pwakihirailieisang nan Tehnpas Sarawio, iangahki sihpw oh kou koaros. E ketin wekidedi en sounkawilian mwohni ko ar tehpel oh wudekihdi nair mwohni ko.
16E ahpw ketin mahsanihong me kin netikihla mwuroi ko, 鈥淜umwail wahlahsang mepwukat met, oh dehr wiahki tehnpas en Semeiet imwen netinet ehu!鈥

Read Sohn 2Sohn 2
Compare Sohn 2:4-16Sohn 2:4-16