30 Ľigenďa len avri a phenďa: “Rajale, so kampel te kerel, hoj te avav zachraňimen?”
31 On leske phende: “Pača andro Raj Ježiš Kristus a aveha zachraňimen tu the calo tiro kher!”
32 Vakerenas leske the savorenge andre leskero kher le Rajeskero lav.
33 Sar mek sas rači, iľa len a thoďa (omorde) lenge avri o rani. A takoj paloda pes diňa te bolel ov the savore andre leskero kher.
34 Paľis len iľa upre andre peskero kher, thoďa lenge pro skamind o chaben a radisaľolas caľa peskera famelijaha, hoj pačanďiľa andro Del.
35 Sar sas džives, bičhade o sudci le slugaďen, hoj te džan te phenel: “Premuk kale manušen!”
36 O stražňikos la bertenakero phenďa le Pavloske: “O sudci bičhade le slugaďen, hoj tumen te premukav. Avke akana džan avri andro smirom.”
37 Ale o Pavol lenge phenďa: “Ešeb (peršo) amen marde angle savore nipi a aňi amen na sudzinde, choc te sam Rimaňike občana! A paloda amen čhide andre bertena, ale akana amen počoral traden avri?” Na. Mušinen te avel a korkore amen te ľidžal adarik.
38 O slugaďa dine te džanel ola lava le sudcenge. On pes predaranďile, sar šunde, hoj hine Rimaňike občana.
39 On avle a odmangle pes lenge. A sar len odľigende avri, mangenas len, hoj te džan het andral o foros.
40 Sar avle avri andral e bertena, gele ke Lidija, dikhle le phralen a radisaľile lenge. Paľis gele het.
