San Mateo 28:1-17

¹Junni aman israelítala jasainun ma polesi, tominco ma tseinasa, María Magdalénabe manca Maríabe menacaca manquirabi jinaminlanue.

²Yala junchi jilainasa, to duque wenue. Miya Diosichi anjeli manca jamochi nechi patato, su doraminca elanpolarito, jun subi chudinue.

³Ya anjeliri cunta pinda tsansi tsen jominue. Yachi camisa tsaracari fiban jominue.

⁴Junni soldadolari anjelica quirato, jelechi jowinpoto, puyaca cuwenta ito queereica jominlanue.

⁵Junni ya sonala féto quiranari, anjeli yalabe itsantinue: —Jele titulajode! La mirayoe tinue. Nulari Jesús corosibi puyaca jominca quirabi jalainae tinue.

⁶Juntonan yari inte itoe tinue. Puyaca jominnan mansonhie. Winilaide! Ya tsonun postoca quiranilaquede! tinue.

⁷Junni nulari yachi tsachilachica wewe jilaide! Yalaca meracarichín! tinue Jesús puyaca jominnan mansonhinueque. Junni Jesuri nulaca caquenan Galilea toca jichunae tinue. Junbi yaca manquiralaquichunae tinue. Aman nula yachi tsachilabe in fiquica jera meracarilaquina! tinue. Nulabe tsanqueri pánayoe tinue.

⁸Junni anjeli tsantinunsi, sonalari menaranun forote nechi wewe manjilainue. Jele tinatonan, son tinaminlanue. Junsi Jesube penenaminlaca meracaribi sujilainue.

⁹Jilainasa quiranari, Jesús patsanan yalabe manquiraito saludainue. Yala mantimini yachica jato, nedele cato, yachi cale telenhilainue.

¹⁰Junni Jesuri yalabe itsantinue: —Jele titulajode! tinue. Lachi acolaca, soquilaca meracaribi jilaide! tinue yalaca Galilea toca jilaideque. Junbi laca manquiralaquichunae tinue.

¹¹Junni ya sonala manjilainasanan, menaca jominca quiramin soldadolari puebloca manjito, mantá tan patelelabe jera cuenta polarilaquinue.

¹²Junni ya patelelabe mantá tan unicalabe layaito tenpalaquinue. Tenpato, soldadolachi duque cala cuwato,

¹³itsantilatinue: —Nulari tsachilabe itsantilatina! tilatinue: Jesube penenaminla ya puyacaca mancalaquinue tilatina! latinue. Quepente nula catsocala josa mancalaquinue tilatina! latinue. Tsachilabe jera tsantilatina! latinue.

¹⁴Aman miyari jun fiquica meránari, chiquila yabe jera cuenta quilaqueyanae latinue yape nulaca catsonun tenchi casticaquitusa.

¹⁵Israelita mantaminlari soldadolabe tsanlatinue. Junni soldadolari jun cala casi, tsanque palaquinue. Amanachinan israelítala jun nene cuentaca capolariminla joe.

¹⁶Junni chunca manca Jesube penenaminla Galilea toca manjilaiyoe. Aman Jesús chiquilaca mantaca jominhe ya paca duca jilainaque. Junni jun duca jito,

¹⁷Jesuca manquirato, yachi cale telenhilaiyoe. Tsanhinatonan weyan weyanlari miitolajoyoe; ¿tsa jonhoncan? tinamin jominlae.