24 ꞌBa xuta ko kiskutsejenndaire, ꞌba kitsu: —Je ꞌbia̱ xuta, tunga joni ya xi setsuma matsejenna̱.
25 ꞌBa Jesús yane nganire ntsja xkun, ꞌba xutabiu nda kiskutsejen, ꞌba kuanda, ꞌba je ne nda kuatsejen yejere.
26 ꞌBa ꞌbatsaꞌen Jesús ꞌete ndaba, ꞌba kitsure: —Bi nde bitjasꞌenjinni naxinando ngandaꞌe.
27 ꞌBa jaskan Jesús ko xutare kiji ngaꞌnde xi tjin Cesarea ña batexuma Felipe. ꞌBa kionga tjenya ndiyo, Jesús tsiningiyare xutare: —¿Jó tsu xuta nga ꞌyá=niña̱ an?
28 ꞌBa kui kitsingojo: —Tjin xi tsu nga ji= ni Juan Bautista, ꞌba tjin xi tsu nga ji= ni Elías, ꞌba yakꞌa xi tsu nga jngu ni profeta.
29 ꞌBa Jesús tsiningiyare: —Tunga jun, ¿jó mixun nga ꞌyá=niña̱ an? ꞌBa Pedro kitsingojo: —Ji= ni Mesías.
30 ꞌBa Jesús ꞌñu ꞌenere nga tuꞌyá ngateꞌere nijmi kibi.
31 ꞌBa Jesús ꞌetutsꞌinre nga yeꞌere nijmi xutare nga Kiꞌndire Xuta xiꞌiun ne tse kjuanima kjuaꞌaxtiu, ꞌba nga kꞌuaxjengi xuta chingare naxinando, xi ngakure naꞌmi ꞌba xuta chjine kjuatexuma. Kitsure nga kjuinikꞌen, tunga nga kjuaꞌaya nganire xi majánni nixtjin.
32 Kibi nda kitsuyare. ꞌBa kio Pedro kikotꞌaxin Jesús ꞌba ꞌetutsꞌinre nga jatiko.
