San Lucas 2:47-51

⁴⁷Maagwai aig thum chi ũr narr khʉʉn jʉ̈gderraa thʉnaajim aajem, chi machnaanau jëeumam chaairauta am dënjö nem khaug am iek ʉ̈khapʉ̈pʉ̈igmam ũrwia.

⁴⁸Mag chi machnaan jãrr sim oobaicheewai, chi jöoinau amach wir aigpai, —¡Mʉgah! Pʉdë oobá, mʉigta sĩebma ajierram anʉm. Magbaawai chi ãdau magjim anʉm ich chaairag: —¿Khantheeta mʉgcha maar phithurg waupibarma? Pʉ jʉr wënʉrrʉmua marau pʉ khĩirju nʉʉ ajimwai ajim anʉm, ich chaairag.

⁴⁹Magbaawai chi chaairau amag magjim anʉm: —¿Pãrau khaugbata nʉ, mʉ mʉig mʉch Aai iek õor dʉ̈i ig iyʉ̈ʉ chiraju aai chirʉm?

⁵⁰Mamʉ chi chaairau amachig mag iekhabarm chi jöoinau pöd khaugba, parhoobata ũrpʉ̈ijierram anʉm.

⁵¹Maimua ich dënnaan dʉ̈i öbërwia ãba amach phöbör Nazareeg wëtjim aajem. Maimua ewag pawiajã ich dënnaan ipierraa ich mag khitajim anaabá. Mamʉ ich chaairau mamagkhamjã Mariaau ich thãar eepain thum khapphʉ aajeejim anʉm.