14 Ka ndatnuꞌu‑s ntdaa xa n‑yaꞌa.
15 Nɨni ka ndatnuꞌu‑s xijan, n‑kendita Jesús, te n‑xika‑ia xiꞌin‑s.
16 N‑kida Ianyuux xa ñayo‑s n‑najini Jesús.
17 Te xiaꞌan‑ia nuu‑s: —¿Nax ka ndatnuꞌu‑n nɨni ka xika‑n? N‑ka nujuiin‑s. Xñuꞌu koꞌyo nuu‑s.
18 Cleofas nani ɨɨn‑s. Xiaꞌan‑s: —Ntdaa ñayiu xtuu Jerusalén n‑ka teku xa n‑yaꞌa, ¿nax kuu xa ña n‑teku‑n xa n‑yaꞌa?
19 Te xiaꞌan‑ia: —¿Nax n‑kuu? Ka xiaꞌan‑s: —Ka ndatnuꞌu‑da nax n‑yaꞌa Jesús, se Nazaret, se n‑jaꞌan nuu ñayiu xa n‑jaꞌan Ianyuux. Vaꞌa n‑kutnuni ini‑s tnuꞌu‑ia, te vaꞌa n‑kida‑s tniu‑ia. Dɨuni vaꞌa n‑kida‑s ñayiu.
20 Ka ndatnuꞌu‑da janda n‑ka kida dutu ka taxnuni nuu‑da xiꞌin dava se Israel ka taxnuni nuu‑da xa n‑tnɨɨ ñaꞌa juxtixia romano, te janda n‑ka tekuechi ñaꞌa‑s xa n‑xe kodo uꞌu‑s te n‑xatakaa dika ñaꞌa‑s.