13 Non tonati, ome itlamachtijkawah oyayah para n altepetl non itoka Emaús, non omokawaya kemi májtlaktli iwa n se kilómetro wejka de Jerusalén.
14 Yejwah omotlatlapowijtiayah tlan otlamochijka.
15 Iwa ijkuak yejwah omotlatlapowijtiayah iwa omotlatlajtolkopayah, Jesús inewia omijkuani innawak iwa opé nejnemi ínwah.
16 Pero maya okitayah, mach okixmatkeh.
17 Ijkuakó Jesús okintlajtlani: —¿Tlan semi nonkimolijtiwih? ¿Tleka nonmoyolkokoah?
18 Se de yejwah, non omonotsaya Cleofas, okinankili: —Nochteh n tlakah kimatokeh tlan otlamochi kan Jerusalén itech ninteh tonatijmeh. ¿Te timokalotijtok ompa iwa amo tikmati?
19 Ijkuakó Jesús okintlajtlani: —¿Tlan otlamochi? Yejwah okinankilijkeh: —¿Amo otikma tlan okitoktijkeh n Jesús non owalewatoka de Nazaret? Ye se profeta weletini itech nochi tlan okijtoaya iwa tlan okichiwaya inawak Dios iwa innawak n tlakah.
