SAN LUCAS 24:13-19

¹³Tsay junagmi Jesuspa ishcay discïpuluncuna aywaycargan Emaús marcapa. Emaús cargan Jerusalenpita ishcay lëwanoglami.

¹⁴Paycunaga aywaycargan Jesús wanushganpita parlaraycarmi.

¹⁵Tsaynog parlaraycar aywaycaptinmi Jesús taripaycur paycunawan iwal aywargan.

¹⁶Paycunawan aywaycaptinpis manami tantyapäcorgantsu Jesús cashganta.

¹⁷Tsaymi Jesús caynog nir taporgan: “¿Imata parlartag aywarcaycanqui?” Tsaynog niptin laquishga aywaycashgancho ichiycorgan.

¹⁸Tsauraga Cleofas jutiyog runa caynog nergan: “Pascua aniversariuman shamog runacunapis lapanmi musyapäcun cay junagcuna Jerusalencho ima pasashgantapis. ¿Manacu gam musyanqui?”

¹⁹Niptinmi Jesús caynog taporgan: “¿Imatag cashgaga?” Tsaynog tapuptin nipäcorgan: “Nazaret marcapita cag Jesusmi cargan Tayta Diosnintsipa profëtan. Paymi Tayta Diosnintsipa munayninwan milagrucunata rurashpan lapan runacunata wilapargan Diospa wilacuyninta.