67 Na' Espíritu Sántona' wṉabi'e yic̱hjlall'do' x̱ab' Zacaríaza' na' bi'e cho'a xtill' Chioza', wne':
68 Choe'lawaa X̱anchona', beena' nak Chios c̱hecho, cho' beṉ' Israel, ḻa' ba bide' ladjchoni, cho' nakcho beṉ' yell c̱he', kwenc̱he yisle' cho' lawi dii mala'.
69 Na' ba bseḻee to beṉ' nap yeḻ' wak xen yisle' cho', na' zee lo dia c̱he dii Davina', beena' gok xmose'.
70 Ba chak ka bc̱hebe' gone' kani'yi daa golle' dii beṉ'ka' wdix̱jee cho'a xtilleena', beṉ'ka' gok lall' nee.
71 Bc̱hebe' yisle' cho' lao beṉ'ka' bi chle'shii cho', na' lao yog' beṉ'ka' chakzi' chakzbani cho'.
72 Na' golle' dii x̱ozxto'choka' yiyeshile' ḻegake', na' bi gaḻ-lallee ka nak diika' bc̱hebe' gone'.
73 Ki nak daa bc̱heb Chioza' gone' c̱he dii x̱ozxto'cho Abrahama':
74 Bc̱hebe' yisle' cho' lao beṉ'ka' bi chle'shii cho' kwenc̱he we'la'ochone' na' bibi wwall wsheban cho',
75 na' gon kwincho lall' nee na' goncho ka yiyoolallile' shlak mbancho.
76 Na'ch Zacaríaza' chi'e bdo' c̱he'na': Na' li', xiiṉdawaa, iṉa beṉ' li' beṉ' chyix̱jee daa na Chioza', beena' nak ḻiizelozi beṉ' choo beṉ' xen. Na' kwialozego' lao X̱anchona' kwenc̱he wzenaggake' c̱he' kat' zee.
77 Wzenilo' beṉ' wlall c̱hechoka' daa chiyaḻ' gongake' kwenc̱he yizi'xen Chioza' saaxya c̱he'ka' na' yisle' ḻegake' bi tegake' lo yeḻ' zak'zi'na'.
78 Ḻa' Chios c̱hechona' chakile' cho' na' chiyesh'lallile' cho', na' wseḻee to beṉ' za' yabana' nsee to beeni' c̱he yic̱hjlall'do' beṉ' yell-lioni
79 kwenc̱he sho' beeni'na' ḻoo yic̱hjlall'do' beṉ'ka' chda gani nak shgasj shc̱hoḻ ni che dii mala' daa nsa' yeḻ' wit, na' wliile' cho' nez ḻi c̱he'na' na' soacho mbalaz.
