1 Dandu nì cachi Jesús xì nècuàchì dacuahá‑yá: ―Ñà‑ndáà nduá, icúmí dava nèhivì tùcù‑nè ichì có‑ndiàá quida ñanìtnaha‑ne. Doco ndahví nècuàchì datúcù tnàhà‑xìmà.
2 Vàchi chicá vàha ni mácùndiacu iin yùù yódò dùcùn‑né, te ndiachi‑né mahì mar sàhà‑ñá màsà dátûcù‑nè ni‑iin ñà‑cuati yohó.
3 Ñàyùcàndùá, cuidadu cundoo‑nsia sàhà ñà‑ndùá quidá‑nsiá. ’Nú quidá iin ñanìtnaha‑nsia cuàchi nùù‑nsiá, dandu càhàn‑nsià xì‑né sàhámà. Te nú ni náxícócuîìn ini‑nè sàhà ñà‑ndùá nì quida‑ne, dandu cuicahnú inì‑nsia sàhà‑né.
4 Mate ùsà xichi iin quìvì ni quidá‑né iin cuàchi nùù‑nsiá, có‑quìdá, vachi nú cada iin iin xichi vàxi‑ne cachí‑nè ñà‑cùú‑né arrepentir, dandu icúmí‑nsiâ cuicahnú inì‑nsia sàhà‑né ―nì cachi Jesús.
5 Dandu nècuàchì nì nìhì chuun nùù Stoho‑ndà Señor, nì xìcàn tàhvì‑né nùù‑yá, cachí‑nè: ―Chindee‑ní nsiùhù ñà‑nì sáà‑nsì cunindisá víi gá‑nsì.
