2 Jesustaj nerkan: —Oracionta ruwaspaka niychis: ‘Janaj pachapi cachcaj Tataycu, sutiyqui yupaychaska cachun. Gobiernoyqui jamuchun. Munayniyqui ruwaska cachun, imaynatachus janaj pachapi, ajinallatataj cay pachapipas.
3 Sapa p'unchaypaj t'antata kowaycu.
4 Juchaycuta perdonawaycu, imaraycuchus nokaycupas contra ruwajcunata perdonaycu. Ama tentacionman urmachiwaycuchu, astawanpas librawaycu sajramanta.
5 Jesús nillarkantaj: —Kancunamanta ujnin chaupi tutata amigonpaj wasinman purispa ninman: ‘Amigóy, quimsa t'antata ayniriway.
6 Uj amigoy chayamun, nitaj imaypas jaywarinaypaj canchu’ nispa.
7 Chay amigonka manachuna wasi uqhumanta nimunmanchu: ‘Ama molestawaychu, puncuy wisk'askaña, wawaycuna nokapas puñunapiña caycu. Mana jatarimuymanchu konaypaj’ nispaka.
8 Niyquichis, amigon caskanraycu amapas jatarimuchunchu konanpaj, chaywanpas sinchita mañacuskanraycu jatarimonkapuni; konkataj tucuy necesitaskanta.
9 Ajinaka noka niyquichis: Mañacuychis, Diostaj kosunquichis. Masc'aychis, tarinquichistaj. Puncuta tacaychis, quicharasunquichistaj.
