San Juan 7:38-41

³⁸Ná jaꞌan tnuꞌu Ianyuux, duꞌa koo. Ñayiu ka jandixa ñaꞌa mee‑r, nde anu‑i kane ndute ndito kida xa kutuu vaꞌa koio‑i.

³⁹Ko duꞌa n‑kakuneꞌe‑ia Espíritu Ianyuux tnɨɨ koio ñayiu jandixa Jesús. Chi ta kixi ka Espíritu Ianyuux, xaxeꞌe xa ta ndadakaꞌnu ka Ianyuux Jesús.

⁴⁰Dava ñayiu jan, na n‑ka teku‑i tnuꞌu yaꞌa, n‑ka jaꞌan‑i: —Se yaꞌa, xandaa kuu xa kuu‑s se xian tnuꞌu tnuꞌu Ianyuux nuu ñayiu.

⁴¹Dava‑i n‑ka jaꞌan: —Se yaꞌa kuu Cristu, Ia tundaꞌa Ianyuux. Ko dava‑i n‑ka jaꞌan: —¿Ñuu Galilea ni kixi Cristu a? Ña ndaa.