15 N tlayakankeh judíojteh san omotlajtlachialtiayah iwa okijtoayah: —¿Kenomi nin tlakatl satlawel kimati miak, iwa amo omixtlamachti?
16 Jesús okinnankili: —Notemachtilis amo Ne noaxka, yej de Akin onechaltítlanki.
17 Akin kineki kichiwas tlan Dios kimonekiltia, kajsikamatis kox notemachtilis walewatok de Dios, noso nikijtoa san tlan Ne nikijtoa.
18 Akin tlajtoa san tlan ye itlajtol, kichiwa san para makiyektenewakah n tlakah. Pero Ne nikneki nikweyijkachiwas Akin onechaltítlanki, yika nikijtoa tlan milák iwa ayik nitlakajkayawa.
19 'Moisés onomechmák n tlanawátili, iwa nion se de nomejwah amo kichiwa tlan kijtoa non tlanawátili. ¿Tleka kiné nonkinekih nonnechmiktiskeh?
20 N tlakah okinankilijkeh: —Te tikpia se demonio; ¿akin kineki mitsmiktis?
21 Jesús okinnankili: —Se kuali tekitl onikchi itech sábado iwa nochteh nomejwah nonmotlajtlachaltiah.
22 Moisés onomechnawati ximosirkunsidarokah, pero non tlanawátili amo walewatok de Moisés, yej de nomowejkatatawah, iwa nomejwah nonkisirkunsidaroah se konetl maya mayeto sábado ijkuak amo para nontekitiskeh.
23 Ijkó kiné, nomejwah nonkitlakitah itlanawatil Moisés, iwa nonkisirkunsidaroah se konetl maski mayeto sábado, porke ijkuakó ochikometik de otlákatki, ¿tleka kiné nonkualanih nowa por onikpajti se tlakatl itech sábado?
24 Amo san nima xiktlajtlakoltikah se tlakatl san por ijkó nonkimoliah, yej xiktlajtlakoltikah kemi moneki.
25 Ijkuakó sikimeh tlakah de Jerusalén okimoliayah: —¿Amo nin tlakatl kitemojtinemih para kimiktiskeh?
26 ¡Xikitakah!, tlajtojtok teixpa iwa amitla kiliah ¿chamo totlayakanwah yokajsikamatkeh nin tlakatl Ye n Cristo?
