1 Cʉ pa‑cʉ, car Jesús segue mí dyo pʉ Galilea. Ya jí̱ mí ne di hño pʉ Judea, porque mí bbʉh pʉ cʉ dda judio cʉ mí mandado, cja̱ nucʉ́, ya xi mí joni ja dír möhtijʉ.
2 Ya xti zøh car mbaxcjua ca mí tzö cʉ judio bbʉ mí øti quí tzi ngu̱ gá dyɛza.
3 Nubbʉ, quí cjua̱da̱ car Jesús bi xijmʉ: ―Gui pønguɛ ya, gui ma guír ma pʉ Judea, ya xta ncja car mbaxcjua. Ma bú øti pʉ cʉ ndo milagro cʉ guí øte, pa da cca̱hti quir amigo cʉ i ne da dɛnqui.― Nu quí cjua̱da̱ car Jesús mí øhtibitjojʉ ʉr burla.
4 Cja̱ pé bi ma̱jmʉ: ―Bbʉ to i ne da ddɛni, jí̱ rí ntzöhui da pɛh pʉ jabʉ jin to i cca̱hti. Nuquiguɛ, guí øti milagro. Bbʉ guí ne da tti̱zqui, gui ma guír pɛh pʉ jabʉ i bbʉ cja̱hni rá ngu̱, pa da tjantiqui.―
5 Bi ma̱ ncjapʉ quí cjua̱da̱ car Jesús, como guejti gueguejʉ jí̱ mí e̱me̱jʉ ¿cja xcuí mɛjni car Tzi Ta ji̱tzi?
