65 Orzeꞌ na gaꞌm: ―Ndeꞌ nu ya̱ bi mne̱e̱ lo der nu ni tub la mbecy wac gyechaꞌ dey lo̱, benu walab Ñgyoozh niim nañ lardoo dey.
66 Par nu nac de riidz zeꞌ, zigy de yu nu rsyaꞌ lom bya ich yu nunu wanchesa nu gaꞌ dey mi.
67 Orzeꞌ na Jesuuz rab mi de trocyup yu nu rsyaꞌ lom: ―Zeꞌ de ru, ¿a niꞌ rlagy der ruu chur lo̱? ―nam.
68 Orzeꞌ na Simo̱o̱ Bed: ―Shuaan de̱, ¿zeꞌ cyu lo cha̱ de̱ beni? De riidz nu ru rniir, ndeꞌ riidz nu gyicy ñi nu cui mbañ de̱ tub la.
