53 Te ní xáhaⁿ Jèsús: —Na càchí tnúhu ndáá‑í xii‑ndo sǎ nǔu na càda iní‑ndó sǎ dàtná sá cáxí‑ndó yɨ̀quɨ cuñú yúhú Tée cùu ñaní tnáhá‑ndó nchàa‑ndo, te cada tucu iní‑ndó sǎ dàtná sá cóhó‑ndó nɨ̌ñɨ̀‑í ñá, te xíǎⁿ quéé‑xí sǎ quɨ̀ndáá iní ñáhá‑ndó nɨ̀ yuhu nɨ iní‑ndó te naníhí tàhú‑ndó, te núu ñáhá te cuíta nihnu‑ndo.
54 Nchaa ñáyiu na càda iní‑xi sá dàtná sá cáxǐ‑yu yɨquɨ cùñú‑í te cohó‑yu nɨ́ñɨ̀‑í, ñáyiu‑áⁿ naníhí tàhú‑yu te yúhú dandòto‑í‑yu na sàá nduu.
55 Chi yɨquɨ cùñú‑í ndɨhɨ nɨ́ñɨ̀‑í cúú‑xí mèe‑í.