7 Orzeꞌ na yu rat zeꞌ: ―Wagad cyu nu locyuub ya̱ nu gyeta̱ lo nis re ornu rcueñ suñ. De tir la ornu rcueñ suñ, ornu ricy pe̱e̱ nu gyeta̱, orzeꞌ ricy reñaꞌ dey gan ya̱ nu yet yu loñ ―nay.
8 Orzeꞌ na Jesuuz rab mi yu: ―Wesh te nunu byash daꞌ nir nunu bza ―nam.
9 Orzeꞌ lueg la byac yu, nunu byash yu daꞌ niy, nunu brugyiꞌ rzay. Zeꞌ dzi zeꞌ, ndeꞌ sab dzi nu rzu lagy mbecy.
10 Orzeꞌ de yu zub lo ni de mbecy Israeel na dey rab yu yu nu byac zeꞌ: ―Na dzi sab, dzi nu rzu lagy mbecy. Zañ contr ni leey nin nu gya nur daꞌ nir ―na dey.