San Juan 5:27-42

²⁷Atiyta kollarkantaj juzgananpaj, Tataj Churin caskanraycu.

²⁸Ama muspharaychischu. Hora chayamonka, tucuy wañuskacuna Churipaj vozninta uyarispa,

²⁹sepulturamanta llojsirankacu. Allin ruwajcunaka causarenkacu wiñay causaypaj; mana allin ruwajcunataj causarenkacu infiernopi juchachaska canancupaj.

³⁰“Mana imatapas nokallamanta ruwaymanchu. Tataypaj niskanman jina juzgani, juzgaskaytaj justo. Mana nokapaj munayniytachu ruwani, manachayri cachamuwajniy Tataypaj munayninta.

³¹Noka quiquiymanta willacuyman chayka, willaskayka mana valorniyojchu canman.

³²Manachayri waj can nokamanta willaj, willaskantaj valorniyoj.

³³Kancuna Juanman cacharkanquichis nokamanta tapojta. Paytaj verdadta nerkasunquichis.

³⁴Chaywanpas nokaka mana runacunamantachu testigota masc'ani. Caycunataka niyquichis kancuna salvaska canayquichispaj.

³⁵Juanka lámpara jina laurarkan, c'ancharkantaj. Kancunataj chay c'anchayninpi pisi tiempollata cusicorkanquichis.

³⁶Nokapaj testigoyka Juanpaj willaskanmantapas astawan confiacunapaj cachcan. Noka ruwani Tataypaj mandaskanman jina. Chay ruwaskaycunataj ricuchin Dios Tata cachamuwaskanta.

³⁷Tatay cachamuwajniy nokamanta willacun. Kancunataj jayc'ajpas parlaskanta uyarerkanquichischu, nitaj ricorkanquichischu.

³⁸Nitaj Palabranpas kancunaman yaycunchu, imaraycuchus Tatapaj cachamuskanpi mana creenquichischu.

³⁹Kancuna Escriturata sinchita estudianquichis, payninta wiñay causayniyoj caskayquichista suyaspa. Chaywanpas Escrituraka nokamanta parlan.

⁴⁰Kancunataj nokaman jamuyta mana munanquichischu chay wiñay causayniyoj canayquichispaj.

⁴¹“Nokaka mana runacuna alabanawancutachu masc'ani.

⁴²Astawanpas kancunata rejsiyquichis, yachanitaj Diosta mana munacuskayquichista.