13 Na' che' Jesúza'ne': ―Nottezə beṉ' cheeje' nis c̱he posi, wbiḻchkzile' dii yoblə.
14 San beena' yeej nisa' daa wi'ane', aga wbiḻchile'. Ḻa' nisa' daa wi'ane' nakan ka to dii galchga ḻoo yic̱hjlall'do'ena' na' gonan ka gat' yeḻ' mban c̱he' zejḻi kaṉi.
15 Na'ch che' noola'ne': ―Beṉ'do', beṉ nad' nisa' no' ka' kwenc̱he bich ibiḻid' na' bich yid beja' ni.
16 Na' che' Jesúza'ne': ―Biyaj jaṉe beṉ' c̱ho'na', na' dalene' ni.
17 Na' che' noola'ne': ―Aga no beṉ' c̱ha' zoa. Na' Jesúza' chi'ene': ―Lekzilo' no' ka', aga no beṉ' c̱ho' zoa.
18 Ḻa' ba gok gay' beṉ' c̱ho'ka', na' beena' zoaleno' ṉaa ni bi nshagna'lenkzo'ne'. Shḻikzan ba wṉio'.
19 Na'ch noola' chi'ene': ―Beṉ'do', ba gokbe'id' nako' to beṉ' chyix̱jee daa na Chioza'.
