San Juan 3:4-7

⁴Nicodemo timi: ―Cal xans ƚitojpa, ¿te co'iya mipajnconaya? ¿Te nipajnya titsufai'ma licu'u qui'máma', tijouƚa' tipajnconna?

⁵Jesús italai'e'e'ma, timi: ―Iya' camihuo' al ƚinca: Ticuicomma tuyaicoƚa' laja' jouc'a tepenufla' cal Espíritu Santo. Iƚque cal xans ƚinca ipajnconna. Ja'ni a'i, aimi'iya mitsufaiya pe locuxeyopa ȽanDios.

⁶Lan xanuc' liƚnaxque' laiƚepá ti'onƚcospola' to iƚniya, mane axanuc'. ȽanDios linaxque' ti'onƚcospa to iƚque. Iƚne linaxque' ȽanDios tipa'a al ts'e liƚpitine, joupa lepi'ipola' cal Espíritu Santo.

⁷Aimoxhueƚmot'ƚe'ma laimipo': “Imanc' unc'ixanuc' ticuicomma toƚmajnlicontsa”.