3 Bebizre xrise uva wal-la, na' xrna Jesús guzre̱' Le̱': ―Québedxa bi de̱ xrise uva wal-la xelé'aje̱'.
4 Jesús beche̱be̱': ―Nú'uladau', ¿bizr chee̱ na' dxu'u neda' caní? Quebe ne zrin zra gulé'e lau da naca'.
5 Xrne̱'e̱ guzre̱' benne' we̱n zrin ca': ―Le gun ca naca da xe̱'e̱ le'e.
6 Zaj nnita xrupa xesu' xiaj na', da dxuluchine judío ca' gate dxelibe ni'a ne̱'e̱ ca naca da zjácale̱ne̱'. Tu tu xesu' xiaj ca' dxeluzru na chupa u chunna dxe'e nisa.
7 Jesús guzre̱' benne' we̱n zrin ca': ―Le gusezrá nisa xesu' xiaj caní. Gulegué̱'e̱ nisa na, ne bulusuzrate̱' tu tu xesu' xiaj ca'.
8 Nadxa Jesús guzre̱' benne' ca': ―Le ca'a na, na'a, ne le gua na lau benne' ze̱' dxu'a ga dxelawe̱'. Ca'an belune̱'.
