3 Te nì cuu nì nsihi tècuìí vìdì sì‑uva coho‑ne. Ñàyùcàndùá, nì càhàn dihi‑yá xì‑yá, cachí‑nè: ―Sànì nsihi tècuìí vìdì sì‑uva.
4 Dandu nì cachi‑yà xì‑né: ―Chicá vàha nacoo‑ní ñà‑jaàn nùù yùhù, vàchi tàñáha ga sàà meru hora xi.
5 Dandu nì càhàn dihi‑yá xì tiàa xinúcuáchí yucán, cachí‑nè: ―Quida‑nsia nacua cachí dèhi xì‑nsiá.
6 Cunaha‑nsiá, yucán itá ìñù barril yùù, iin ian vàtùni cuñuhu cùmì ò úhùn yoo tècuìí. Tècuìí mà xichúûn nècuàchì raza Judea ñà‑nsidandoo‑ne mii‑né según estilu nduú ley xi‑ne.
7 Te nì cachi Jesús xì tiàa yucán: ―Dachitu‑nsiá barril jaàn tècuìí. Ñàyùcàndùá, ducán nì caquida‑tè, dècuèndè yuhá nì chitu.
8 Dandu nì cachi‑yà xì‑té: ―Vichi chitacùhá‑nsià chii‑té cunihi‑nsia cùhùn nùù nècuàchì iín sáhnû nùù vicò. Ñàyùcàndùá, ducán nì caquida‑tè.
