8Wiyar, jala paćha-niraj mana cananpaj camsanta ushtucurcur, Pedro yacullanpa Jesústa tariparan. Waquillan piscädun janćhash püsu cantunman ćhayaran. Büti wampuycashanpita püsupa cantuncaman sujta ćhunca sujtawan (66) ricralla caran.
9Bütipita llucshirir, püsu cantunćhu tullpata tariran. Piscädutawan tantata cancaycaran.
10Jesúsna niran: «Charimushayqui piscäduta juc-ishcayllata apamuy.»
11Chaura Simón Pedro bütiman jigarcur, llapan piscäduta püsu cantunman janćhamuran. Jatusajlla paćhac pichga ćhunca quimsawan (153) caran. Chay-chica carsi, ridita mana raćhiranchu.
12Jesúsna niran: «Miculläshun.» Purïshijnincuna Jesústa ricarsi, tantiyacuyta mana atiparanchu. Chaypis manchacur mana tapuparanchu.
13Jesúsna tantata aptacurcur, llapanta aypuran. Piscädutapis aypuran.
14Wañushanpita cawarircamur, quimsa cutipana Jesús purïshijnincunata ricaripuran.
SAN JUAN 21
SAN JUAN 21:8-14