15 Ore caru pare, Jesús oporandu Simón Pedro upe: —Simón, Juan rahɨr, ¿che raɨsu catu ité eve co mbahe sui? —ehi. —Taa, che Yar, ereicua niha che nde raɨsusa —ehi Pedro chupe. —Ndehañeco tuprɨ ru catu che reroya ramomi vahe rese yuvɨreco —ehi.
16 Imoñuvɨriosa rupi oporandu iri chupe: —Simón, Juan rahɨr, ¿che raɨsu catu ité eve? —ehi. —Taa, che Yar, nde ereicua che nde raɨsusa —ehi Pedro chupe. —Evocoiyase esãro tuprɨ che reroyasar yuvɨreco —ehi.
