San Juan 21:11-16

¹¹Dxel wëꞌp Bëd loj barcw guin, guxoobyujman guijxh guin guidxan bëjl naroob ree, xt roꞌ nijs guin. Tibgayuu tüꞌpchiibichoon bëjl yuꞌ lojn. Abiꞌ majsi zienb, per ad goxyaꞌtan.

¹²Zianz rëb Jesús loj reeman: ―Gol guda din gawidi rsiil. Abiꞌ niꞌqui tijb reeman ad rayaxt guiniabdiidx chu bénan, guial ragbee reeman Dad Jesúsan.

¹³Dxel gubigaman cwaꞌman guiadxtil badëëman loj reeman, ziangajc beenman con bëjl guin.

¹⁴Ni ne bayon volt balüüloj Jesús loj ree xbejnman chi babanman loj ree bengüt.

¹⁵Chi gulox gudaw Jesús con ree xbejnman, gunabdiidxaman loj Simón Bëd, rëbaman: ―Simón, xiꞌn Waj, ¿walil ya rënl naj mazri guial loj ree bén guie? Badxiꞌ Bëdan rëbaman: ―Dad, ragbeequil rënan lüj. Zeel rëb Jesús: ―Gunaj ree da xiildoon.

¹⁶Abiꞌ rëb Jesús zatijb: ―Simón, xiꞌn Waj, ¿walil ya rënl naj? Badxiꞌ Bëdan rëbaman: ―Dad, ragbeequil rënan lüj. Zeel rëb Jesús: ―Gunaj ree da xiilan.