SAN JUAN 19:8-13

⁸Bachžeb Pilatən' ca de'en bachaquən', na' catə' benene' gosə'əne' ca' c̱he Jeso'osən' nachlə bžebəche'.

⁹Nach beyo'o Pilatən' len Jeso'osən' de'e yoblə gan' chone' yeḻə' jostisən'. Na' gože' Jeso'osən': ―¿Ga beṉə' le'? Pero Jeso'osən' bito boži'e xtiže'enə'.

¹⁰Nach Pilatən' gože'ene': ―¿Ecui choži'o xtiža'anə'? ¿Ecui ṉezdo'onə' nada' napa' yeḻə' chnabia' par gwsana' le' na' napa' yeḻə' chnabia' par əgwda' le' ḻe'e yag corozən'?

¹¹Jeso'osən' gože'ene': ―Bito bi yeḻə' gwnabia' napo' len nada' žalə' Diozən' cui noṉe'en le'. Na' ben' əbde nada' lao na'onə' doḻə' xench nape' cle ca le'.

¹²Nach gwdilɉlažə' Pilatən' naclə gone' əgwsane'ene'. Pero beṉə' blao c̱he ṉasyon Izrael c̱heton' gwso'osye'e gosə'əne': ―Šə əgwsano' benga, contr Rei Sesar nan' gono' šə ca'. Notə'ətezə beṉə' ne' de que naque' rei, contr Rei Sesarən' chone'.

¹³Nach Pilatən' beyož benene' de'en əgwse' beṉə' ca' ḻe', gwleɉe' Jeso'osən' chyo'onə'. Na' ḻeczə bchoɉ ḻe' chyo'onə' gan' nao yeɉ, gan' nzi'in dižə' ebreo Gabata. Na' gwchi'e gan' chbi'e catə' chone' yeḻə' jostisən'. Nach gože' beṉə' blao c̱he ṉasyon Izrael c̱heton': ―Nga zo Rei c̱helen'. Na' do gobiž catə'ən gože' ḻega'aque' ca', na' beṉə' Izrael gwlaž c̱heto' ca' choso'osi'ini'e par lṉi pascon' žanə'.