3 Haiya agufa vayaꞌmogimo Ala kava neꞌmo aveleꞌmo afaꞌa haiꞌa maigae. Haiya agufa vayaꞌmogimo aote mono noꞌafiꞌmo afaꞌa fale haiꞌa maigae.
4 Apayateꞌmo oꞌaniꞌyaꞌmo ofaiꞌnisiya yaveyave apaipa vayaꞌmogimae. Afa yatefeꞌmo mono osuge apagoꞌyamo ataleteꞌa aigofe gemo osuge nehisaya vayaꞌmogimae.
5 Ala kava neꞌmoꞌa fiku hapa maeno apamigiye. Gotiꞌa apakae apakufamo alino katino neꞌapateya vekamoꞌmo fatago kavaꞌamo alino apamigiye.
6 Alino apamisigeꞌa Yekopu Gotiꞌamoꞌmo agesayafeꞌmo kahauya nehae. Kaugosafiꞌmo kagesayafeꞌmo kahauya nehae.
7 Yafa lafi kegiꞌya kate kitamo yakitapa ateyo. Hanege hanege huno nehaneya mono note kitamo yakitapa ateyo. Yakitapa ategenoꞌao ha le konali kini vekamo faleno haineno.
8 Ani ha le konali kini vekamo ina laꞌae. Ala kava neꞌmo himamu lokiyaꞌaꞌe vekamae. Ala kava neꞌmoꞌa himamuꞌaletiꞌmo kame huno neꞌapateya vekamae.
