8 Ka keik, Iahova, isom vi hetetamen imok lisenges.
9 Iahova, mekilea keke koakeil uvae katuk imat. Vativieh keil onom, keil vasi itetasil ka ivuol.
10 Iahova, avek keih veni kosan keihoen minau, ka korokol kat inau ral min sien.
11 Nalong isien onen vativieh keil onak ka nalei kilea keke keihoen one tovuol emun.
12 Meatin keil koa moulien one mal en metom imoul hesuval vati matou tai, imoul hetaveah hesuval vati avek tai.
13 Meatin keil ekek asuval vatiai keil koa aluhi amul vesesal en eim onen Iahova, koa amoul en teahu ten Eim Votut onen Ahi orer.
14 Avaseini avi ulmatu tuai, amul veah ason heite en moulien one. Anatin, ales tahosien ka ave keih veah.
