2 Ahi Asuv, kisan enmahisien minau ven avek memerau. Kisan keihoen minau ven nasakras moumon etai tounah.
3 Demvoen houlu en tinok. ?Ahi Asuv, kisan heite ten hisien onak nengeis?
4 Konalei vinitei inau, Ahi Asuv; kikataunau veni enmahisien onom mariso.
5 Meatin hesakras vandem katuk navong hemat. ?Isei kilea vamasmasuk navong mul tuai en avul?
6 Namurang vini inau; en vongien vasi, simetok mul kas oulung mak, sakini memer vasi.
7 Nasakras maleilei vatahos veni metok mutetep; namurang houlu veni meatin tatisa keil amul apurunau.
8 Alva soutin ranau, kami keke mimumon tisaen houlu, veni Ahi Asuv raengon tangien onak.
9 Kei long nau navong napeahi ven kataunien onen; ka kei hesan heite ten hisien onak.
10 Meatin keil koa amul apurunau, Ahi hehile lat keil, hesakini, keil imemou, imetau ka ilohosai ranau.
