7 Kisahul lin tisaen onak keke nitolas, kikas motein moulien onak eli hemai hoh vis hoh imok.
8 Kimaenau nilonge hetahos eris ka nito en sien, ka avaseini mahien koa kosani minau vulvul nau, kimaenau li nimakul en sien eris.
9 Konaleletei mun natisa enau, kisahul lin sakkalkalien keil onak.
10 Ahi kum kes moulien onak eli hemai hetolas, kisan rendemien hau minau koa housil katuk lisenges.
11 Konasila lattei nau nanaha ranuk, konakulattei ninin onom koa vi votut naha ranau li.
12 Kisan risi minau sien koa nakuri mulamu navong komutut nau, ka kumonau li ek hehati malong katuk en tounah vasi.
13 Navong kosak revi nau, inau suk, nihisein meatin tatisa keil en mengkatien keil onom, ka keil emun ihiles ka iha ris venuk.
