4 Kei sasen enges mumon mari tounah keil.
5 Ka en ileilien onen, kei mumon out nesa.
6 Kei varei sakin out netan mea ran atas.
7 Kei mumon tounah vasi keil koa ritin en teilang.
8 Ling meteiai keke valosil kat meneai.
9 Ka ling avati ka hitu keil keke avalosil kat vongien.
10 Kei varei mu vini moeite keil ten out Isip.
11 Evus, lah lat me-Isrel keil ran out Isip.
12 Kei mumoni mukonek ral min keihoen koa mul en hen.
13 Kei sasen mumon Atas Tahilhili maseh va en usite elu.
14 Kei sakin meatin keil onen amual kotehei.
15 Ka sakin atas enek rein vini asuv houlu ten out Isip ral min meatin tavaeen vasi keil onen.
16 Kei mulamun meatin keil onen aka vas out volvol.
17 Asuv houlu keil koa akur keihoen, kei vitan en keil vasi.
18 Mu vinvini asuv houlu keil koa avi hetetamen.
19 Anatin, mu vini asuv houlu Sihon ten out Amor.
20 Ka mumoni vatte tas min asuv houlu Og emun ten out Basan.
21 Evus, san atan ose min meatin keil onen vahi ose esuk.
22 Kei sani min me-Isrel keil koa avi meatin toumien keil onen.
23 Kei mundem kat ir navong romul en hen mesav keil.
24 Mumon ir romaluv ran hen vativieh keil orer.
