1 Nigu lr nrlc amrlx Nangr-ngrbzku mz Yawe nabz kxmrna!
2 Na-angrlvzku nide Mz nzyapwxtipx-krgu kx arlapxle nigu.
3 Napipxbzku mz leplz amrlx Da kxmatq x da kxmyapxbz kcng tqaletileng.
4 Takitrde nzrglqlzngr Yawe kc tqmyalz-esz'ngr, Murde nzmrlue-krde namyaszlzle kxnzmncng mzlilxlr amrlx.
5 Lr mrkzbleng nzangio-txpwzlr mqngr da kxnzlz, A' Yawe txpwz kx rwzngr bongavz x nrlc atwrnrngr.
6 Mz nzmncpx-krm Yawe Mangr-nzangiongr, Xngibzku zmrlue, zyzlr, zmatq x zluli rdeng.
