1 Asa sapu koa aqoro koe Zihova Ululuna Hola, sapu koa hola pa kinopu tanisa sapu tagoi sari doduru ṉiniraṉira
2 si boka zama guahe koa Sa: “Agoi si na qua tinokae meke na qua Aqoroana. Agoi si na qua Tamasa, koa Goi mo si kalavarae si rau,” gua.
3 Kaqu va sare igo Sa koari na sipata tomedi, meke koari doduru minoho variva mate.
4 Kaqu va aqorigo Sa, guana kurukuru pu va aqori sari na tuna pa kauru tatapuruna, meke kaqu tava sare si goi pa Nana kinopu; meke kaqu kopu ni Sa sari Nana vina tatara pude va aqorigo meke va sare igo.
5 Ke lopu kaqu matagutu nia goi sa tinasuna pana boṉi, meke sa rinapata mu pana rane,
6 babe sari na oza pu raza pana boṉi, babe sari na kinaleadi variva mate pana rane.
