13 A' krka'-zvzbo bam mz zbq kang kqlu, kx Yawe, Murde nayc mz drtwrm ninge.
14 A' opxm kx drtqm satrpem bange, X sc tqesablqtipeq ninge.
15 Murde ayrplatxpx-zlwzq ninge, yzutr pnz mzli kc tqngi-oblabe-ngrne. X mzli ka nzetq-zvzkr drtqnge ycpe pipz nzayrkrpx-krde ninge.
16 Nzngyati-zlwzkr drtwrm ninge apule nubla kc tqtwzle ninge, Mz nzbatr-krbzle nzmrbrkr nzlu-krnge.
17 X nzkxpu-krnge lcng nzngrlelvzlr ninge, X trpengr me nayrbqkipxx.
18 Ngi-batrpe' kztengeng kxnzmrlzng nzngangr-krdr ninge. X mzli ka nabznge talvzo zlwz mz nzmnc-krnge esz'-krnge mz nabz nzlo.
