Sam 86:1-4 in Roviana

¹ (Keke kinera te Devita) Kei Zihova, Mu avoso mae, Mamu olaṉa mae au, ura na malaṉa na malohoro si rau.

² Mu harupau pa minate, sina koa soto koa Goi si rau. Mu harupau, ura na Mua nabulu si rau, meke kalavarae si rau koa Goi.

³ Kei Baṉara, Mu tataru nau na taleoso nau, ura koa Goi mo si varavara atu rau doduru totoso.

⁴ Mu va qetua sa buloqu, na Mua nabulu si rau, sina koa Goi mo si varavara atu rau pa doduruna sa buloqu.