14 Pana rane si turaṉi Sa si arini koasa lei, meke pana boṉi si turaṉi Sa koasa nika huruṉuna.
15 Viqali Sa sari na patu pa soloso qega, meke va totolo vura poni Sa sa kolo pa korapa pepeso.
16 Va vura maei Sa pa patu sari na bukaha, meke va totolo gorei Sa guana ovuku.
17 Gua asa, ba tavete nono la i tu rini sari na dia sinea koa Sa, meke pa soloso qega si bugoro nia rini si Asa sapu Ululuna Hola.
18 Vizatia rini pa bulodia pude podekia sa Tamasa, koari na dia inokorodi rina ginani pu hiva ni rini.