1 Nabz ne Asaf. Leplz nengeng, lalztqmamu mz nzalvztr-krnge, Mz nzxlr-angidr-krmamu natqngeng.
2 Sa naryapwxbo bamu mz nzycmne-ebzpxngr. X sa nayokaetipxbo dalr mzli kc bqnc kx trgalr kxrkrlz.
3 Da lcng tqxlrpeku x tqkrlzpeku Murde nzpipem melrmqgung bagu.
4 Bzkq yrlq-kapqbzkung mz doa negung, A' nayapwxtibzku badr.
5 Yawe yrlqbzle loukxtr scde mz lr Israel, Mz nzka-krbzle natqde mz nqvi lr Jekop. X rngidrlvz-ngrbzle mz melrmqgu lcng Kx na-alvztr-ngrdr doa nedrng mz lou lcng.
