13 Kei Tamasa, hopedi meke viadi sari doduru Mua tinavete; loke tamasa pule si koa sapu noma hola kekeṉoṉo gua Agoi.
14 Agoi mo sa Tamasa sapu taveti sari doduru tinavete variva magasadi, sapu vata dogoro nia sa Mua ṉiniraṉira koari na butubutu.
15 Pa Mua ṉiniraṉira si harupi Goi sari na Mua tie, sari na tie te Zekopi meke na tutina e Zosepa.
16 Kei Tamasa, sipu dogoro Igo rina kolo lamana si Goi, si guana tie matagutudi si arini. Uve sa lamana peava si holoqoru na neneqara.
17 Va hoqa ruku sari na lei, meke ta avoso sa paka maṉauru pa galegalearane; meke malakapi varikali.
18 Totoso lulusu sa paka maṉauru, meke malakapi pa kasia popoa, si neneqara na niniu sa popoa, guana tie tarazuzuna.
19 Ene gua pa kolo si Goi koari na bogusu, karovia Goi sa lamana, ba lopu ta dogoro sari na pou Nenemu.
