19 Gct, nzetukr nztubq-krm krlzlzle bongavz. X trpnz-moungr kx apule nim kc tqaleti da kxetuting.
20 X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge, Mz nzarlapx-krm ninge mz gq.
21 Sa na-aetunepxbzme nzamatqkr leplz ninge, Mz nzaelalz-mou-krme drtwrnge.
22 Gct rnge, nim Gct rgr, nigr lr Israel, x sa nangrbo bam mz nzayrni-krbo gita x ukzlele. Tr-esz'ngrn x sa naglqlzx nim murde ngida angidrme bagr.
23 Sa namalq-katox mz nzabrtz-krnge, X mz nabznge atwrnrngr sa nangrbo bam murde arlapxpeq ninge.
