17 Gct, alvztrq ninge, abzo mzli kc tqngi-oblabe-ngrne. X sc tqyapwxtipxbex da kx nzkctitxpx kcng tqwz-ngrn.
18 Mzli ka nipenge lrtzlvz x nqnginarnge prkipe, bzkq rlaszq ninge. A' mncm bange mz nzyapwxtipx-krbo zmatq ngrm mz nrpr ngr leplz amrlx.
19 Gct, nzetukr nztubq-krm krlzlzle bongavz. X trpnz-moungr kx apule nim kc tqaleti da kxetuting.
20 X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge, Mz nzarlapx-krm ninge mz gq.
21 Sa na-aetunepxbzme nzamatqkr leplz ninge, Mz nzaelalz-mou-krme drtwrnge.
22 Gct rnge, nim Gct rgr, nigr lr Israel, x sa nangrbo bam mz nzayrni-krbo gita x ukzlele. Tr-esz'ngrn x sa naglqlzx nim murde ngida angidrme bagr.
