9 Ura loke vasi hinokara si zama vura nia rini; ta siṉie kinaleadi mo sari na bulodi. Sari na leodi si ta siṉie sinekesekei pu variva mate. Zamazama va mememehe kokoha pa meadi si arini.
10 Kei Tamasa, va kilasi gedi si arini, va hoqai gedi si arini koari na dia zinama soti teledia. Mu hitu pani gedi si arini pa kenumu Agoi, ura soku hola sari na dia sinea meke kana Igo rini.
11 Ba madi qetuqetu sarini pu kalavarae koa Goi; madi kera pa qinetuqetu, sina lavelave hukatani Goi si arini. Madi koa qetuqetu sarini pu tataru nigo.
12 Ura mana zoṉazoṉa ni Goi sarini pu koa va toṉoto. Kei Zihova, bara vari likohae ni na Mua tataru Goi si arini, guana lave!
