Sam 58:1-6

¹Nabz ne Devet kx yrbzle mz kxrmailz ngr dzbe kxnzngrng. ?Kxnzetung, myx kxmule, nzaclve-krmu tubq, X rsakrlrngr angidr?

²Trtingr! Murde yrlqamu drtwr kx atrkatile leplz nemung, Mz nzaetq-krbzmu drtqdr mz nrlc ka.

³Nimu kxdrka'-ngrng. X ale-zvzamu da kxtrka, Yzuo pnz mzli kc tzmcngr mzpu.

⁴Apuamu ningidoe kcng tzrmakxng Mz nzatrkati-krmu leplz.

⁵X apu-kzamu kxnradrtqdr ngq murde pxtxpx-zvz-ngrnamu nzxlr-krmu nzyrni-krdr, X nzayzlu-krbzmu natqdr.

⁶Yawe, ayrplapx leplz lcng tzapulr ningidoe, mz nzyrvilz-krme nipna scdr. X mz nzapu-krdr poi kz peto, taglctr-kzpz nqngidr.