1 (Vinaravara te Devita sipu qoraia rina tie pa Zipi totoso koa tome si asa pa dia popoa.) Ke Tamasa, Mu harupau, Zihova, Mamu vata rupahau pa korapa Mua ṉiniraṉira.
2 Ke Tamasa, Mu avosia sa qua vinaravara, Mu va taliṉa maei sari na qua zinama.
3 Sari na tie karovodi si korapa mae pude rapata au; sari na tie variva mate pu lopu korapa pamaṉa nia sa Tamasa si korapa podekia pude va mate au.
4 Ba sa Tamasa si na qua tinokae, Asa si na qua Baṉara meke na qua lave.
