7 Mu va mate pani sari na qua sinea, meke kaqu koa via si rau. Mu va via au, meke kaqu keoro hola nia rau sa sinou.
8 Mu va siṉi nau qinetuqetu; pa mudina sa qua tinahuara sapu ele evaṉa nau Goi pude maqu koa qetuqetu pule qua.
9 Mu lopu doṉo la i sari na qua sinea, ba Mu va mate pani sari doduru qua kinaleadi.
10 Kei Tamasa, Mu poni nau sa bulo viana, Mamu vekoa koa rau sa maqomaqo ṉoṉo sapu soto va nabu koa Agoi.
11 Mu lopu hitu pani au koa Goi, Mamu lopu vagi pania sa Mua Maqomaqo Hope koa rau.
