14 Kei Tamasa, Mu harupau koasa sinea vina mate tie; sina Agoi sa Tamasa tana qua hinarupu. Meke kaqu kera vura nia rau sa Mua tinoṉoto.
15 Ke Baṉara, Mu toka nau pude maqu zama vura nia sa vinahesimu Goi!
16 Lopu okoro nia Goi sa vina vukivukihi meke na vinukivukihi vina uququ, ba be hiva nia Goi ba ele tavete vatu nia tu rau, ba lopu kaqu qetu nia Goi.
17 Sa qua vina vukivukihi sapu variva qetu koe Zihova, si na maqomaqo va pepekae. Lopu kaqu kilua Goi sa bulo sapu kekere na va pulepaho.
18 Kei Tamasa, Mu tataru nia na toka nia sa popoa Zaione. Mu kuri pulei sari na bara na gobana sa vasileana Zerusalema.
