7 Nztrkati nivz lrdr ninge nzpikiti-lrpi-zvzlr ninge. X nzaoti txpwz drtwrdr da kxtrka kx nadwatimle ninge.
8 Nzrpi-awalr kx, “Mrlztxpe! Mzli ka prtilz-zlwzpe zyagox kxtrka, X mzli trnaboiu x sc tqbzpe.”
9 Mzli ka, kztenge kc tqabrtr-zlwzbo drtwrnge bade, X tqmukr ncdr, nipe-kzde enqmi rnge.
10 Yawe, krka'-ngrne kx nayc mz drtwrm ninge. Amrlz-mopwz nrkrdrtqnge murde na-ayzlu-mopwc' da kcng tqtrka tzalemlr bange.
11 X mzli kc trna-aovxio-ngrdru ninge, Sa nakrlz-angidrpex kx abrtzlvzq ninge.
12 Sa naokatrq ninge nzale-krnge da kxtubq, X namnc-alotrpebo bam.
