5 Limixin baava diba ven tu ren la dinabak lek, la di noxo doma abulubun.
6 Luvuttadi baava di toro ke ren, la ni ing tonga nedi, la ik lox asepmus di basinge laxanmumuat axap atnedi.
7 Laangelo at leeme Silok ik lok tatao nedi dim taba asinorong i, la ik lox asepsu nedi basinge levenaniu.
8 Nemi xa mina ven terek luvukat at Leeme Silok. Laradi ik soxolik ka loxokok at Leeme Silok, ni na sosoro.
9 Nemi axap limixin teren, minam taba asinorong Leeme Silok. La nedi ding tonga res teren, di ruuna xobot kaka levempanga axap dik pakes tin.
10 At lepenaleng lubunglaion dik toxo la dik pakes ti levempanga anan, ketla nedi ding tonga res at Leeme Silok kopmen dinak pakes ti levempanga avukat, atla Leeme Silok im taba amisik di.
11 Ude nimi, laxamdak loklox ase, la mina ronga rak, la ana anasa nimi kusu minaba raba asinorong Leeme Silok.
12 Do nemi mi vara i xusu mina ruuna lorooro nunuan, la mi vara i xusu mina ven levenaleng avukat,
